Президент Астана мемлекеттік қызмет хабы Басқарушы комитетінің төрағасын қабылдады

Президент Астана мемлекеттік қызмет хабы Басқарушы комитетінің төрағасын қабылдады. Әлихан Байменов мемлекеттік басқару саласының тиімділігін арттыру, сыбайлас жемқорлықтың алдын алу және жергілікті атқарушы биліктің құзыретін кеңейту мәселелері жөнінде ой-пікірін жеткізді. Мемлекет басшысы Астана мемлекеттік қызмет хабы елімізде жүргізіліп жатқан реформаларға тұрақты сараптамалық қолдау көрсетіп келе жатқанын атап өтті. Қасым-Жомарт Тоқаев айтылған ұсыныстар бойынша тиісті мемлекеттік органдармен тығыз жұмыс істеуді тапсырды.

Авторы: Әсел Күшенғалиева

Веб-редактор: Әсел Бақытқызы