Атом электр станцасын салу мәселесінде еліміз үшін барынша экономикалық тиімділікті қамтамасыз ету қажет. Бұл ретте жеткізушіні таңдауда ел ішіндегі құндылықты арттыруға, өндірісті оқшаулауға және технология трансфертіне мән берген жөн. Қазақстанның Премьер-министрі энергетиканы дамыту және ядролық кластер құру мәселелері қаралған кеңесте осындай бірқатар тапсырма берді. Елдің энергетика министрі Үкімет басшысына АЭС құрылысы бойынша әлеуетті жеткізушілермен жүргізілген келіссөздер туралы баяндады. Жиында 2025–2031 жылдарға арналған қуат көздерінің болжамды теңгерімі тыңдалды. Осылайша ел аумағында жеке инвестициялар есебінен жұмыс істеп тұрған электр стансаларын жаңғырту арқылы 2035 жылға дейін 26,5 ГВт жаңа қуаттар құрылымы қарастырылуда. Сонымен қатар, атом ғылымын, сала мамандарын даярлау бойынша білім беру бағдарламаларын дамытудың келешегі де әңгіме өзегіне айналды.
Авторы: Жеңіс Ермұқанов
1. Жасанды интеллектті қолданасыз ба?
Сондай-ақ
