Нидерланд Премьер-Министрінің
сапары Астана мен Амстердам арасындағы сауда-экономикалық қарым-қатынасты
дамытуға тың серпін береді. Қасым-Жомарт Тоқаев Марк Рюттенің Қазақстанға жұмыс
сапары туралы осылай деді. Өз кезегінде Марк Рютте екіжақты серіктестік
деңгейін жоғары бағалады. Сондай-ақ ол Қазақстан мен Нидерландтың ықпалдастығын
одан әрі жандандыру қажет екенін айтты. Келіссөз барысында сауда-экономикалық,
энергетикалық және инвестициялық ынтымақтастықты, сондай-ақ көлік, инновация,
атом энергетикасы, ауыл шаруашылығы, денсаулық сақтау, климат, су ресурстарын
басқару салаларындағы байланыстарды нығайту жолдары егжей-тегжейлі талқыланды.
Еуропа Одағымен ықпалдастық аясындағы диалогты жалғастыру маңызды екеніне назар
аударылды. Айта кетейік, Нидерланд – Қазақстан экономикасының ең
ірі инвесторы. Оның Қазақстанға құйған тікелей инвестициясы
120 миллиард доллардан астам.
