Мемлекет басшысы Мысыр Араб Республикасы Парламенті Сенатының Төрағасы Әбделуахаб Әбделразеқті қабылдады

Мемлекет басшысы Мысыр Араб Республикасы Парламенті Сенатының Төрағасын қабылдады. Президент Қасым-Жомарт Тоқаев Әбделуахаб Әбделразеқтың Қазақстанға сапары екіжақты парламентаралық байланысты нығайтуға тың серпін беретініне сенім білдірді. Әңгімелесу барысында екі ел арасындағы парламенттік дипломатияны дамыту, сауда-экономикалық және мәдени-гуманитарлық салалардағы ынтымақтастықты нығайту мәселелері талқыланды. Мемлекет басшысы Мысыр компанияларын көлік-транзит, туризм, цифрландыру салаларында бірлескен инвестициялық жобаларды жүзеге асыру мүмкіндіктерін қарастыруға шақырды.

Веб-редактор: Нұрбек Балгүл Қайрошқызы