ҚР Ұлттық банкі Қаныш Сәтпаевтың 125 жылдығына орай коллекциялық монеталар шығарды

Қазақстанның Ұлттық банкі «Есте қалатын оқиғалар мен біртуар адамдар» сериясының жаңа коллекциялық монеталарын айналымға шығарды. Олар қазақтың біртуар геолог-ғалымы Қаныш Сәтпаевтың 125 жылдығына арналады.

Алмат Бәсенов, ҚР Ұлттық банкінің бас дизайнеры:

– Монета екі номинал бойынша шығарылады. Оның біреуі – 200 теңгеліктер, ол мельхиор балқымасынан жасалған. Ал, 2000 теңгелігі биколор тәсілімен жасалды. 2000 теңгелік монетада күлгін түсті танталдан жасалған сақина бейнеленген. Ол Жезді елді-мекеніндегі Қаныш Сәтпаев тауып, барлаған марганец кеніне арналып жасалды. Монетаның салмағы – 74 грамм, диаметры – 50 мм, сапасы – proof. Сондай-ақ, 2000 теңгелік монета 300 данамен ғана шығарылды. Мельхиордан жасалған монетаға келер болсақ, массасы – 15 грамм, диаметры – 33 мм, сапасы – brilliant uncirculated. Ол болса - 5000 дана болып шығарылды.

Веб-редактор: Нұрбек Балгүл Қайрошқызы