Су тасқынына қарсы бір адамдай жұмылған халық ел бірлігінің белгісі. Елдің этномәдени бірлестіктер және қоғамдық ұйым өкілдерінің ортақ пікірі осыған саяды. Қызыл судың құрсауында қалған отандастарына көмек қолын созып немқұрайлық танытпаған қайырымды жандар қамқорлық танытып, өздерінің азаматтық жауапкершілігін тағы бір паш етті. Бұл туралы Қазақстан Президенті айтты. Қазақстан халқы Ассамблеясының мүшелері бұл еліміздің жас ұрпағы үшін қажырлық пен жанқиярлықтың жарқын үлгісі екенін айтты.
Юрий Шин, ҚХА төрағасының орынбасары:
-Осы қиын уақытта, су тасқыны кезінде құтқарушылар және еріктілермен бірге біздің этно-мәдени бірлестіктер гуманитарлық көмек көрсету жұмыстарында алдыңғы қатарда. Біз халқымыздың ауызбіршілігін көрдік. Осы тасқын кезінде дәл осы ауызбіршілік қана бірігіп, дұрыс шешім табуға мүмкіндік берді.
Тимур Жұмырбаев, ассамблея жастары ұйымының төрағасы:
-Біздің су тасқыны болған күні-ақ «Жүректен-жүрекке» акциясын бастағанымыз тегін емес. Бұл халықпен бірге болу ұранын ұстанатын ассамблеяның басты бағыты. Әрдайым бірінші болып көмекке келуге тырысамыз. Қазақстан халқы Ассамблеясының 12 мың ерікті азаматы көмекке келуге асықты. Қазір олар алдыңғы шепте тасқын салдарымен күреске жұмылды. Алдағы уақытта, тасқын әкеткен зардаптың орнын толтыруымыз қажет. Бұл жұмыс та үлкен ауызбіршілікті талап етеді.
Веб-редактор: Maya
Сондай-ақ
