Өткен оқу жылында
қазақстандық оқушылар халықаралық олимпиадаларда 600-ден астам медаль жеңіп
алды. Яғни, біздің елден келген әрбір екінші қатысушы зияткерлік сайыстарда
жүлделі орындарға ие болды. Жалпы, Қазақстан құрама командасының қоржыны 118
«алтын», 201 «күміс» және 284 «қола» медальдармен толықты. Өткен оқу жылының
қорытындысы бойынша қазақстандық оқу орындарының оқушылары 12 халықаралық
олимпиада мен ғылыми жарыстарға қатысты.
Нұрлан Жұмагелді, «ДАРЫН» Республикалық ғылыми-практикалық орталығы директорының орынбасары:
–
Сонымен қатар, өткен жылдың тағы бір жетістігі біздің оқушыларымыз FIRST
CHAMPIONSHIP робототехникадан халықаралық чемпионатқа қатысып, жоғарғы жетістіктерге
жетті. Сондай-ақ, ұлттық құрама Сингапурде, АҚШ-та, Кипрде
және Қытайда өткен жарыстарда жоғары марапатқа ие болды. АҚШ-та өткен ISEF-2024
байқаудың қорытындысында біздің оқушылар 4 жүлде ұтып,
100 пайыз нәтиже көрсетті.
