Қазақстанда тау гидтерін дайындау қолға алынды

Қазақстанда тау гидтерін дайындау жобасы қолға алынды. Бұл бастама өңірдің туристік әлеуетін арттырып, экотуризмді дамытпақ. Жамбыл облысында биіктігі 4 мың метрден асатын шыңдарды бағындыратын 32 кәсіби тау гидін дайындау жобасы іске асып жатыр. Курста туризм саласының жетекші мамандары, сарапшылар, жергілікті билік өкілдері және кәсіби гидтер дәріс оқиды. Жамбыл облысы - таулы аймақ. Өңірге келген қонақтар мен туристерді осындай керемет табиғатпен таныстыру маңызды жұмыс.

Мөлдір Оразәлиева, «Тараз-туризм» Туристік ақпараттық орталығының директоры:

- Бұл іс-шарамыз екі кезеңнен тұрады. Бірінші кезеңде теориялы сабақтар болады. Одан әрі қарай 10 практикалық сабақтар күтіліп отыр. Осы күнге дейін, яғни наурыз айының 4 бастап өзіміздің парақшамызда әлеуметтік желілер арқылы адамдарды қабылдау жұмыстарын жүргіздік.

Веб-редактор: Нұрбек Балгүл Қайрошқызы