Қазақстанда
су тасқынынан зардап шеккендерге өтемақы төлеу жалғасуда. Оның үстіне
қазақстандықтарға тұрмыстық техника, сумен және жылумен жабдықтау жүйелері сияқты үй
мүлкінің шығыны да өтеледі. Мұндай шешімді ел
Үкіметі қабылдады. Премьер-Министрдің
орынбасары атап өткендей, республиканың барлық
медициналық ұйымдары күшейтілген жұмыс режиміне ауыстырылды. Дәрілік заттардың
қажетті резерві дайындалды. Эпидемиологиялық бригадалар құрылды.
Тамара
Дүйсенова, ҚР
Премьер-Министрінің орынбасары:
-Зардап шеккен аймақтардың тұрғындарына әлеуметтік
төлемдер бекітілген мерзімнен бұрын берілуде. Мұндай режим биылғы 1 қыркүйекке
дейін сақталатын болады. Одан бөлек, мүгедектігі бар азаматтарды қайта
куәландыру мен бірінші тоқсанда атаулы әлеуметтік көмекті алып жүргендер үшін
қайта тағайындау мерзімдері 1 шілдеге дейін автоматты түрде ұзартылды. Еңбек
министрі тиісті бұйрықтарды қабылдады.
Сонымен қатар елімізде Qoldau.gov.kz іске қосылды. Оның мақсаты - зардап шеккендерді қолдау шаралары, жедел мәліметтер, соңғы жаңалықтар, ресми тұлғалар мен ведомстволардың мәлімдемелері туралы ақпараттарды бір платформада жинақтау. Сондай-ақ көмек алуға онлайн-өтініш беру функциясы қарастырылған.
