Қазақстанда өнеркәсіп өндірісінің көлемі бірінші
жартыжылдықтың қорытындысы бойынша 6,5%-ға өсіп, 29 триллион теңгеге жетті.
Негізгі өсімді машина жасау, химия және тамақ өнеркәсібі салалары қамтамасыз етеді.
Өңдеуші өнеркәсіп елдің ЖІӨ-не 12,4% деңгейінде үлес қосты. Мемлекет басшысының
экономиканың нақты секторын дамыту жөніндегі тапсырмаларын белсенді іске асыру жалпы
республика бойынша жалғасуда. Бұл туралы Премьер-министрдің бірінші орынбасары
Роман Скляр Үкіметте өткен брифингте мәлімдеді. Оның айтуынша, биыл Қазақстанда
1,5 триллион теңгенің 190 жобасын іске қосу жоспарланған. 47 нысан пайдалануға
берілді. Сондай-ақ, инвесторларға жағдай жасау және инвестиция тарту бойынша
белсенді жұмыстар жүргізілуде.
Роман Скляр, ҚР Премьер-министрінің бірінші орынбасары:
- Негізгі капиталға бағытталған
инвестициялар өсуде, біз мемлекет тарапынан да инвестицияларды ұлғайтудамыз,
бұл мемлекеттің дәстүрлі түрде қаржы құятын саласы - инженерлік инфрақұрылым
құрылысы мен көлік инфрақұрылымы құрылысы. Серпінді инвестициялық жобаларға
келетін болсақ, біз өңдеуші секторды инвестициялауға көбірек мүдделіміз, дегенмен
тау-металлургиялық кешеніне де басымдық береміз.
1. Жасанды интеллектті қолданасыз ба?
Сондай-ақ
