Қазақстанда өткен айда бір жарым жылда өндірілетін мұнай мен конденсат шығарылған. Бұл шамамен 7 млн 660 мың тоннаны құрайды. Energy Analytics сарапшыларының айтуынша, «қара алтынның» шамадан тыс өндірілуі соңғы рет 2020 жылдың наурыз айында, пандемия басталғанға дейін болған.
Қараша-желтоқсан айларында да осындай нәтиже сақталса, еліміз биыл 85 млн тоннадан астам «қара алтын» өндіру межесіне жетуі әбден мүмкін. Бұл ретте конденсатсыз мұнай өндіру көлемі Қазақстан үшін белгіленген ОПЕК+ квотасынан асып түседі.
Айта кетейік, қазан айында әлемдік өндіріс тәулігіне 1 млн 400 мың баррельге өсті. Қараша және желтоқсан айларында бұдан да жоғары өсім күтілуде.
