Қазақстанда егіс науқаны аяқталды. Бүгінде 24 млн га алқапта ауыл шаруашылығы дақылдарын егу жұмыстары мәресіне жетті. Бұл жоспарланған көлемнің 100% құрайды.
Осылайша, 17 млн га алқапқа дәнді дақылдар, 3 млн га жерге майлы дақылдар, 3,5 млн га жуық жерге мал азықтық дақылдар егілді. Сондай-ақ, шамамен 167 мың га алқапқа картоп отырғызылды.
Ауыл шаруашылығы министрлігінің мәліметінше, көктемгі дала жұмыстары күрделі ауа райы жағдайына қарамастан оңтайлы мерзімде және толыққанды жүргізілді.
Естеріңізге сала кетсек, егіс науқанына дайындық барысында қажетті 2,5 млн тоннаға жуық тұқым көлемі қалыптастырылды. Жеңілдікпен қаржыландыру көлемі биыл 580 млрд теңгені құрады. Оның ішінде 400 млрд – қосымша қарыз қаражаты.
