Ауылды жерлердегі кәсіпкерлердің – 39%-ы әйелдер. Олар 10 мыңға жуық адамды жұмыспен қамтып отыр. Бұл туралы ауылдағы әйелдер арасында кәсіпкерлікті дамыту әлеуметтік жобасының ұйымдастырушылары баяндады. Биыл демеушілер тағы 30 грант бөлуді жоспарлап отыр. Үздік бизнес-жоба иелеріне 2 мыңнан бастап 4 мың долларға дейін қайтарымсыз грант беріледі. Ол үшін байқауға егжей-тегжейлі бизнес-жоспар ұсыну қажет.
Сондай-ақ, биыл гранттар тек әйелдерге ғана емес, 18 бен 30 аралығындағы жастарға да берілмек.
Майра Айсина, Қазақстанның ауыл әйелдері форумы ұйымдастыру комитетінің төрайымы:
– Мемлекеттік емес 2 кішігірім қоғамдық ұйым жасап келе жатқан жұмыс. Сондықтан, біздің қазіргі алға қойған міндетіміз – мемлекеттік органдардың құлақтарына жеткізу. Олар көріп келе жатыр. Әрі біздің ұсыныстарға құлақ асып келе жатыр. Сондықтан, жұмысымыз бір жерден шықса, біз ауыл әйелдерінің потенциалын жақсы пайдаланамыз деп ойлаймын.
Веб-редактор: Айдана Нагиева
Сондай-ақ
