Қазақстан Президенті Польша Сенатының Маршалын қабылдады

Қазақстан мен Польша екіжақты ынтымақтастықты нығайтуға және қос елдің заң шығарушы органдары арасындағы байланысты кеңейтуге ниетті. Аталған мәселелерді Ақордада Президент Қасым-Жомарт Тоқаев Польша Сенатының Маршалы Малгожата Кидава-Блоньскаямен талқылады. Тараптар әңгімелесу барысында Парламентаралық диалогтың табысты түрде дамып келетінін атап өтіп, тарихи тамырластыққа айрықша назар аударды. Мемлекет басшысы Польша Президенті және Премьер-Министріне ыстық ықыласын жолдады. Өз кезегінде Малгожата Кидава-Блоньская қонақжайлық танытқаны үшін Қасым-Жомарт Тоқаевқа шынайы ризашылығын білдірді. 

Веб-редактор: Нұрбек Балгүл Қайрошқызы