Боао Азия форумының аясында Қасым-Жомарт Тоқаев Экономикалық ынтымақтастық
және даму ұйымының Бас хатшысы Матиас
Корманмен кездесті. Мемлекет басшысы Қазақстан Ұйыммен ынтымақтастыққа ерекше
мән беретінін атап өтті. Сондай-ақ, еліміздің экономикалық саясатын ЭЫДҰ-ның
жоғары стандарттарына сәйкестендіру жөнінде мақсат қойғанын жеткізді.
Қазақстан бірқатар маңызды құжатқа қол қойып, ұйымның басқа да міндетті
құқықтық институттарына қосылу жұмыстары жүргізіліп жатыр. Бұдан бөлек,
Қасым-Жомарт Тоқаев Қазақстанда Ұйымның өңірлік кеңсесін ашу жұмыстарын
жалғастыру маңызды екенін айтты. Өз кезегінде Матиас Корман ұйымның Азия
елдерімен, соның ішінде Қазақстанмен жан-жақты қарым-қатынасты нығайтуға ниетті
екенін растады.
Веб-редактор: Әсел Бақытқызы
Сондай-ақ
