Қазақстан Моңғолиямен серіктестікті нығайтуға ниетті

Қасым-Жомарт Тоқаев Моңғолияның Ұлы Мемлекеттік Хуралының Төрағасы Дашзэгвийн Амарбаясгаланмен өзара парламентаралық дипломатия, сауда-экономикалық, өңіраралық, және мәдени-гуманитарлық ынтымақтастық мәселелерін талқылады. Қазақстан Президенті былтыр қазан айындағы Моңғолияға жасаған сапарының нәтижесінде елдеріміз арасындағы қарым-қатынас күшейе түскенін айтты. Мемлекет басшысы екі жақты берік достық пен стратегиялық әріптестіктің тамыры тереңде жатқанын тілге тиек етті. Әңгімелесу барысында Қасым-Жомарт Тоқаев Қазақстан Моңғолия елімен жан-жақты ынтымақтастықты нығайтуға ниетті екенін жеткізді.   

Веб-редактор: Айнұр Досан