Қазақстан мен Қытайды достық пен тату көршілік қатынастар байланыстырады

Қазақстан мен Қытайды ғасырларға ұласқан берік достық пен тату көршілік қатынастар байланыстырады. Бұл туралы Қасым-Жомарт Тоқаев Қытай Халық Республикасының Қазақстандағы елшісі Чжан Сяомен кездесуінде айтты. Президенттің айтуынша, екі ел тату көршілік қарым-қатынастың нағыз үлгісін көрсетіп отыр. Тараптар арасында белсенді саяси диалог қалыптасты, сауда-экономикалық әріптестік өркендеді, мәдени байланыстар жанданып,  қауіпсіздік саласында тығыз ынтымақтастық орнаған. Елдердің  халықаралық аренада ұйымдар аясында, сондай-ақ «Орталық Азия – Қытай» форматындағы байланыстары белсенді өрбіп келеді.Мемлекет басшысы Чжан Сяоның достық пен тату көршілік байланыстарын нығайтуға қосқан үлесін жоғары бағалап, II дәрежелі «Достық» орденімен марапаттады.

Әсел Күшенғалиева

Веб-редактор: Айдана Нагиева