2021 жылы Қазақстанда ауыл шаруашылығына 600 млрд теңгеден астам инвестиция салынды. Бір жыл ішінде салаға салынған күрделі салымдар көлемі 50% өсті. Бұл жөнінде «Ranking.kz» хабарлады. Жалпы статистикалық мәліметтерге сүйенсек, соңғы бес жылда салаға құйылған инвестиция жылына орта есеппен 24% өскен. Агроөнеркәсіптік кешенді қолдаудың негізгі элементтері – жеңілдетілген несиелер мен мемлекеттік қолдаудың басқа да тетіктері. Мәселен, «Аграрлық несие корпорациясы» мемлекеттік қаржы мекемесі 2020 жылдың өзінде жалпы сомасы 46 млрд теңгеге жуық 75 инвестициялық жобаны қаржыландырған. 2021 жылы 7 мыңнан астам кәсіпкер ұлттық валютада 209 миллиардтан астам қолдау алды. Қаражат көктемгі егіс және егін жинау жұмыстарына, техника мен ірі қара мал сатып алуға, өнеркәсіптік және отбасылық тауарлы-сүт фермаларын құруға, жылыжайлар салуға, тамшылатып суару жүйесін сатып алуға жұмсалды.
Авторы: Гүлбану Тәжібек
Веб-редактор: Admin
Сондай-ақ
