Қ.Тоқаев Ішкі істер министрін қабылдады

Президент Ішкі істер министрін қабылдады. Ержан Сәденов Мемлекет басшысына еліміздегі криминогендік жағдай туралы ақпарат берді. Министрдің айтуынша, жыл басынан бері қылмыстың төмендеуі байқалады. Осылайша, қылмыстық құқықбұзушылық – 5,5 мыңға, қылмыс 10 мыңға азайған. Бұдан бөлек елімізде «Заң мен тәртіп» қағидатын іске асыру, құқықбұзушылыққа «мүлдем төзбеушілік», ұйымдасқан, кибер және есірткі қылмыстарына қарсы іс-қимыл, жол қауіпсіздігін қамтамасыз ету жөнінде шаралар жүргізілуде. Кездесу соңында Қасым-Жомарт Тоқаев еліміздегі құқықтық тәртіп пен қоғамдық қауіпсіздік деңгейін одан әрі арттыру бойынша бірқатар тапсырма берді.

Авторы: Әсел Күшенғалиева

Веб-редактор: Нұрбек Балгүл Қайрошқызы