БҰҰ Астанаға Resilience Hub мәртебесін берді

Біріккен Ұлттар Ұйымы ресми түрде Астанаға беделді халықаралық Resilience Hub мәртебесін берді, осылайша ол Орталық Азиядағы алғашқы орнықты даму хабына айналды. Мұндай шешім Қазақстан астанасын өңірдің бас урбанистік флагманы ретінде айқындайды және бірыңғай дизайн-кодтан озық жасыл инфрақұрылымға дейінгі ауқымды қала трансформациясының табысты жүргізілгенін растайды. Сарапшылар Астананың тұрақты даму шешімдерін ұсынудағы рөлін атап өтті. Ол климаттың өзгеруіне бейімделу мәселелерінде басқа қалаларды қолдауға дайын.

Наталья Алонсо Кано, БҰҰ апаттар тәуекелін азайту жөніндегі басқармасының Еуропа және Орталық Азия өңірлік бөлімінің басшысы:

- Бұл қала шын мәнiнде елдiң ұмтылысын, Орталық Азия қалаларында болып жатқан қарқынды өзгерiстердi көрсетедi. Климаттық сын-қатерлерге реактивті ден қоюдан адамдардың денсаулығы мен қалалық инфрақұрылымның орнықтылығын ескеретін проактивті тәсілге өту маңызды. Бұл жерде ынтымақтастық маңызды рөл атқарады. Астана Resilience Hub ретінде осындай шешімдерді бүкіл өңірге таратып, нақты іс-қимылға жұмылдыра алатын бастамашыға айналды. 

Веб-редактор: Арайлым Серқанова