Астанада кәсіпкерлер бизнес жүргізудің заманауи құралдарымен танысты

Елордалық кәсіпкерлер бизнес жүргізудің озық құралдары және тетіктерімен танысты. Астанада жетекші сарапшылар тәжірибелерімен бөлісіп, кәсіпті өрге домалатуға септесетін кеңестерін берді. Бизнес-конференция қатысушылары жеке ісін кеңейту, бренд қалыптастырудың заманауи әдіс-тәсілдерін үйренді. 2018-ші жылдан бері қолға алынған шара шағын және орта бизнесті қаржылық емес тұрғыда қолдаудың бірегей алаңына айналды. Осы аралықта бағдарлама 2600-ден астам кәсіпкерді қамтыды. Тек былтырдың өзінде 100-ден астам іскер азамат бизнес акселерациясынан өтіп кәсібін дамытуға мүмкіндік алды. Айта кетейік, бағдарлама Еуропа қайта құру және даму банкі, сондай-ақ халықаралық мұнай компаниясының қолдауымен жүзеге асырылуда.

Алмаз Жұмашев, Еуропа қайта құру және даму банкінің жобалық менеджері:

- Біз кәсіпкерлерге кеңес беретін сарапшыларды тартамыз. Олардың қызметінің шығыны қайтарымсыз грант есебінен жабылады. Яғни, 75% дейін өтеледі. Сондай-ақ, оқыту курстары мен акселерациялық бағдарламалар жүргіземіз. Әр жыл сайын шараны елдің батыс өңірлерінде ұйымдастырған едік. Көптеген кәсіпкерді бизнес жүргізудің қыр-сырына машықтадық. Қазір сұраныстары өзгерді. Көбін қаржылық менеджмент пен инвестициялық тақырыптар қызықтырады. Сондықтан бағдарлама заман талабына сай жаңартылып жатыр. Ауқымы кеңейіп, биыл Астанаға жетті.

Веб-редактор: Айнұр Досан