Афина қаласында қазақстандық кино таныстырылды

Афинада қазақстандық кинофестивалі өтті. Үш күн ішінде көрермен назарына отандық кинотуындылар ұсынылды. Олар ел кинематографиясының бай мәдени мұрасы мен заманауи жетістіктерін көрсетті. «Дос-Мұқасан», «Менің атым – Қожа», «Томирис» және тағы басқа картиналар көпшілік қызығушылығын тудырды. Фестивальді Қазақстанның Грекиядағы дипломатиялық өкілдігі ұйымдастырды. Біздің республикамыздың елшісі Тимур Сұлтанғожиннің айтуынша, мұндай іс-шаралар Қазақстан мен Грекия халқы арасындағы өзара түсіністік, достық және гуманитарлық байланыстарды нығайтуға ықпал етеді.

Веб-редактор: Нұрбек Балгүл Қайрошқызы