«Әділет» партиясының іскерлік кеңесі құрылды

«Әділет» Партиясының іскерлік кеңесі құрылды. Жаңа алаң кәсіпкерлер, сарапшылар және мемлекеттік органдар арасында тұрақты диалог орнатып, экономиканы дамытуға бағытталған бастамалар әзірлеумен айналысады. Ал кеңес тұрақты жұмыс істеуі үшін экономиканың әртүрлі секторынан 7 тең төраға тағайындалды. Бұл туралы партия төрағасы Айбек Дәдебай көлік-логистика саласының өкілдерімен өткен кездесуде мәлімдеді. Тек өткен жылы ғана сала 20,5% өсім көрсетті. Оның ЖІӨ үлесі 6% асты, ал транзиттік тасымал көлемі 39 млн тоннаны құрады. Кездесуге қатысушылар темір жол тарифтері, инвестициялар тарту, халықаралық автотасымалдарды дамыту және саланы цифрлық трансформациялау мәселелерін талқылады.

Айбек Дәдебай, «Әділет» партиясының төрағасы:

- 2023 жылы Президент өз жолдауында Қазақстанды толыққанды көлік-логистикалық державаға айналдыруды стратегиялық мақсат етіп қойған болатын. Сол кезде Көлік министрлігі қайта құрылды және мұнда ең бастысы - бұл міндетті түсінудің  құрылымы түбегейлі өзгерді. Транзит ол тек жолдар мен терминалдар мәселесі ғана емес. Ол өзінің табысымен, жұмыс орындарымен, ЖІӨ-ге қосқан үлесімен экономиканың дербес саласына айналды.

Веб-редактор: Нұрбек Балгүл Қайрошқызы