Қозоғистон Венгрияга нефть етказиб беришга тайёр. Бунинг учун «Дружба» узатиш қувуридан фойдаланиш кўзланган. Венгрия Ташқи иқтисодий алоқалар ва ташқи ишлар вазири Петер Сийярто шу ҳақда маълум қилди. Дарвоқе, республика Энергетика вазирлигида айтилишича, мазкур босқичда Қозоғистон томонидан транспортировканинг техник имкониятлари тасдиқланган, тижорат масалалари муҳокама қилиняпти. Етказиб беришнинг аниқ муддат ва шартлари тегишли ҳужжатлар имзоланганидан сўнг маълум бўлади. Таъкидлаймиз, ўтган йили Қозоғистондан хорижга 68 миллион тоннадан ошиқ хом нефть экспорт қилинган. Айтиш керак, венгер компаниялари янги маҳаллий нефть конларини ишга тушириш учун сармоя тикишга тайёр.
Петер Сийярто, Венгрия
Ташқи иқтисодий алоқалар ва ташқи ишлар вазири:
- Бизнинг MOL нефть-газ компаниямиз доимий равишда Қозоғистон энергетика
секторига сармоя йўллайди. Аввалроқ «Рожковское» нефть-газ конденсати конига 200 миллион
долларга яқин инвестиция киритилган. Биргаликдаги саъй-ҳаракатлар билан 300 миллион
кубометрдан зиёд газ, 200 минг тонна конденсат олинди. Бугунги кунда бешта қудуқ ишлаб турибди. MOL нефть-газ компанияси ишни давом эттириш ниятида. «Берёзовское» конида Хитой-Қозоғистон-Венгрия қўшма лойиҳасини амалга ошириш
имкониятлари ўрганилмоқда.
Абдумалик Сарманов таржимаси
Ўхшаш янгиликлар
