Ўн ой ичида Қозоғистонда
салкам 75 миллион тонна нефть қазиб олинган. Бу ҳақда Қосим-Жўмарт Тўқаевга
мамлакат Энергетика вазири ахборот берди. Алмасадам Сатқалиев, шунингдек,
Давлат раҳбарига ўтган вақт давомида нефть маҳсулотлари ишлаб чиқариш 11 миллион
тоннага, газ қазиб олиш – 48 миллиард кубометрга, уран олиш – 15 минг тоннага
етганини маълум қилди. Умуман, электр энергияси ишлаб чиқариш 93 ярим миллиард
кВт соатга тенг бўлган. Қолаверса, Алмасадам Сатқалиев миллий электр
тармоқларини ривожлантириш ва мамлакатни газлаштириш бўйича кўрилаётган
чора-тадбирлар ҳақида ҳам тўхталиб ўтди. Президент республикада энергетик
инфратузилмани модернизация қилишни алоҳида назоратда тутишни топширди.
Абдумалик Сарманов
таржимаси.
