Қозоғистонда атом соҳасини ривожлантириш бўйича узоқ муддатли режалар
ишлаб чиқилади. Эслатамиз, бу ҳақда Ҳукуматнинг кенгайтирилган йиғилишида Президент Қосим-Жўмарт Тўқаев маълум қилганди. У мамлакатда юзага
келган энергия тақчиллиги шароитида биринчи атом электростанцияси жадал қурилиши, ядро кластери яратилиши лозимлигини маълум қилган. Бундан ташқари, янги АЭСлар бунёд этиладиган ҳудудлар
аниқланиши зарур. Натижада, мамлакат ўз-ўзини электроэнергия билан таъминлайди, 15–20 фоиз миқдорида
захирага эга бўлади. Мажилис депутатлари ҳам айнан шундай
йўл тутиш тарафдори. Улар фикрича,бу станциялар чиқарган энергия ҳам арзон, ҳам экологик
жиҳатдан мақбул. Мамлакат
тараққиётини таъминлаш учун бу жуда зарур.
Ерлан Саиров, Қозоғистон Республикаси
Парламенти Мажилиси депутати:
- Биз Президент ташаббусини
қўллаб-қувватлаймиз. АЭС қурилиши Қозоғистон Республикасида янги
иқтисодий воқелик яратади. Бу таклиф стратегик жиҳатдан тўғри йўналиш. АЭС албатта керак. Президент бир қанча АЭС бунёд этиш таклифини билдирди, аммо арзон электроэнергия
бугуннинг ўзида зарур. Чунки Президент 2029 йилгача ялпи ички маҳсулотни икки марта
кўпайтириш, 15 та йирик завод қуриш талабини илгари сурди. Бундай заводлар қуриш ва
улардан фойдаланиш учун арзон, ўзимизда чиқарилган электроэнергия керак. Ҳозир
эса, афсуски, уни импорт қиляпмиз.
Абдумалик Сарманов таржимаси
Ўхшаш янгиликлар
