Мамлакатимизда яратилган рақамли лойиҳа жаҳондаги нуфузли танловлардан
бирида энг яхши деб тан олинди. «Вазиятли-таҳлилий мажмуа» БМТ шафелигида
Женевада ташкил этилган «WSIS Prizes-2025» ғолибига айланди. Инновациявий платформа мамлакат Президент Ишлари бошқармасининг муҳандислик-техник марказида
ишлаб чиқилган.
У давлат секторидаги маълумотларни таҳлил ва
мониторинг қилиш, тезкор бошқаришга мўлжалланган. Тизим реал вақт тартибида ахборот тўплаш, уни
визуаллаштириш ва қайта ишлашни таъминлайди. Бу эса фойдаланувчига стратегик ечим қабул қилиш, давлат
органлари фаолиятининг асосий кўрсаткичлари устидан назорат ўрнатиш имконини
беради.
Мажмуа республикани ижтимоий-иқтисодий ривожлантириш
бўйича турли йўналишлардаги 500 дан зиёд
индикаторни кузата олади.
Даурен Нуралиев, Қозоғистон Республикаси ПИБ муҳандислик-техник
маркази директори:
– Тизимга мамлакатнинг барча индикаторлари
қўшилади, шундагина Президент маъмурияти, Президент Ишлари бошқармаси
раҳбарияти стратегик қарорлар қабул қила
олади. Биз ўтган йилдан бошлаб, халқаро экспансияга чиқиш йўлларини кўриб чиқяпмиз, шунга
кўра, бошқа давлатлар билан ҳамкорликни бошладик, шу бозорга кириш режамизда
бор. Муҳандислик-техник марказнинг учта тизими кенг миқёсга олиб чиқилади, Президент
фармонига кўра, албатта, бу ишни давом эттирамиз.
Абдумалик Сарманов таржимаси
Ўхшаш янгиликлар
