«eQonaq» тизими берган маълумотга кўра, ўтган йили 70 минг нафардан зиёд хорижлик турист Манғистау вилоятига ташриф буюрди. Меҳмонлар учун 100 тадан зиёд яшаш жойи ҳозирланган. Соҳани ривожлантириш учун минтақада қатор чора-тадбирлар кўриляпти. «visit.mangystau.kz» сайти ишга туширилди. Унда минтақанинг диққатга сазовор жойлари ҳақида тўла маълумот бор. Портал 2ГИС харитаси билан бирлаштирилиши режалаштириляпти. Электрон тизимга Манғистаунинг 100 тадан зиёд тарихий-маданий объектлар киритилади. Шунингдек, минтақанинг муқаддас қадамжолари интерфаол харитаси уч тилда тақдим этилиши режалаштирилган.
Ерсин Ибрашев, Манғистау вилояти туризм бошқармаси раҳбари:
– Расмий статистикага кўра, умуман олганда, ижобий динамика кузатиляпти. Ўтган йилга нисбатан 18,1 фоизлик ўсиш кузатилди. Сўнгги 4 йил бўйича маълумотларни олиб қарасак, ҳар йили ўртача 30 фоизлик кўрсаткич кузатилди. Менимча, ишлар тўғри йўналишда кетяпти, айниқса, «e-Qonaq» тизимини, рақамлаштиришни ривожлантириш бўйича катта иш қилинди.
Абдумалик Сарманов таржимаси
Ўхшаш янгиликлар
