Қозоғистонда мамлакатдаги дастлабки илм-фан шаҳарчаси бунёд этилади. Техношаҳарга алоҳида мақом берилади, унда илғор технологиялар, илм-фан, университет ва бизнес жамланади. Янги манзилгоҳ учун Алмати яқинида 500 гектар ер ажратилди. Майдонининг учдан бир қисми олий таълим даргоҳлари, илмий-тадқиқот институтлари ва технопаркка берилади. Шаҳарча кадр тайёрлаш ва янги ишланмалар яратишда асосий ўрин тутади. Устувор йўналишлар - робототехника, электроника, биотехнология, тиббий ускуналар, агросаноат, атом энергетикаси, озиқ-овқат ва кимё саноати. Техношаҳарда янги энергетика, озиқ-овқат хавфсизлиги, замонавий ахборот технологиялари, сунъий идрокка алоҳида эътибор берилади. Техношаҳарда тўла циклли – илмий тадқиқотлардан саноат ишлаб чиқаришигача бўлган кластерлар бунёд этилади. Концепцияни ишлаб чиқишда халқаро тажриба ҳисобга олинган. Лойиҳа Президентнинг миллий қурултойда тилга олган топшириғини рўёбга чиқариш доирасида яратилди.
Абдумалик Сарманов таржимаси
Ўхшаш янгиликлар
