Қозоғистонда экин-тикин кампанияси якунланди. 24 миллион гектарга уруғ қадалди. Бу эса режалаштирилган майдонларнинг 100 фоизини ташкил қилади. 17 миллион гектарга дон экинлари, 3 миллион гектарга мойли, 3 ярим миллион гектарга озуқа эканлари экилди. 167 минг гектарда картошка етиштирилади. Қишлоқ хўжалиги вазирлиги берган маълумотга кўра, мураккаб об-ҳаво шароитига қарамай, баҳорги дала ишлари ўз вақтида тўла ҳажмда бажарилди. Эслатамиз, баҳорги кампанияга тайёргарлик доирасида икки ярим миллион тонна уруғлик тайёрланганди. Жорий йилда 580 миллиард тенге зироатчиликни имтиёзли молиялаштириш учун ажратилди. Шундан 400 миллиард тенгеси қўшимча қарзлар бериш учун ишлатилди.
Абдумалик Сарманов таржимаси.
