Қозоғистон ва Грузия
ўртасида товар айланмаси 75 миллион долларни ташкил қилди. У аввалги йилга
нисбатан учдан бир ҳиссага ортди. Бош вазир Ўлжас Бектенов ва Грузия Иқтисод ва
барқарор тараққиёт вазири Мариам Кври-виш-вили мамлакатлар ўртасида ҳамкорликни
мустаҳкамлаш масаласини муҳокама қилди. Томонлар савдо ва инвестициялар,
инфратузилма лойиҳалари ва транспорт-логистика алоқаларини кенгайтириш
масалаларига алоҳида эътибор берди. Шу жумладан, Транскаспий халқаро транспорт
йўлаги имкониятлари кўриб чиқилди. Поти портида Қозоғистоннинг янги контейнер
терминали очилиши давлатларнинг транзит салоҳиятини кенгайтиришда муҳим
аҳамиятга эга. У мамлакатнинг Грузия денгиз хаблари ҳудудидаги энг йирик инфратузилмавий
лойиҳаси. Бош вазир таъкидлашича, объект Транскаспий йўналишида юкташишни
кенгайтиришда қўл келади. Томонлар Қозоғистон қишлоқ хўжалик маҳсулотлари - дон,
ун, гўшт ва сут ҳамда қандолатчилик маҳсулотларини грузин бозорига олиб чиқиш
масаласини кўриб чиқди. Мариам Кври-виш-вили савдо, туризм ва логистика
инфратузилмаларида Қозоғистон билан ҳамкорликни кенгайтириш муҳимлигини
таъкидлади.
Абдумалик Сарманов таржимаси
Ўхшаш янгиликлар
