Қозоғистон ва Франция 2,2 миллиард доллар қийматга эга 24 шартнома имзолади. 13-го заседания двухстороннего делового совета, прошедшего в Парижда бўлиб ўтган Тадбиркорлик кенгашининг 13-йиғилиши шундай якунланди. Икки давлат бизнеси вакиллари инвестициялар имкониятларини муҳокама қилишди. Француз тадбиркорлари учун айниқса республиканинг IT ва агросаноат мажмуаси, тоғ-кон сектори, тиббиёт ва енгил саноати жозибадорлигича қоляпти. Уларда энергетика соҳаси ҳам катта қизиқиш уйғотяпти.
Ғабидолла Ўспанқулов, Қозоғистон Республикаси Ташқи ишлар вазирлиги Инвестициялар қўмитаси раиси:
- Жаҳонга машҳур «Orano» француз компаниясининг уранни ажратиб олиш бўйича илғор технологияси мавжуд. Шунинг учун у билан Қозоғистонда уран қазиб олишда тажрибадан ҳамда технологиядан фойдаланиш борасида яхши келишувларга эришилди. EDF компанияси ҳам дунёга машҳур, бу француз компанияси қазилма бойликлар билан ишлайди, улардан фойдаланади. Дунё миқёсида атом электростанцияларидан фойдаланиш бўйича пешқадамлар қаторидан ўрин олган. Давлат раҳбари референдумдан кейин масала консорциум тузиш орқали ҳал қилиниши таъкидлаганди, музокаралар якунига кўра бу борада янгиликлар айтилиши мумкин.
Қозоғистон ва Франция орасида товар айланмаси 4 миллиард долларга етди
Таъкидлаш лозимки, Қозоғистон Франциянинг Марказий Осиёдаги етакчи ҳамкори ҳисобланади. Айни вақтда, у республикамизнинг Европадаги энг асосий ҳамкорларидан бири. Давлатлар ўртасида товар айланмаси жадал ортиб боряпти. 2024 йилнинг 8 ойи ичида Қозоғистон ва Франция орасида товар айланмаси 45 фоизга кенгайди ва 4 миллиард долларга етди. Бунинг 90 фоизини Қозоғистон экспорти ташкил қилади. Айни вақтда, Франция Қозоғистоннинг инвестициявий ҳамкорлари илғор бешлигига киради. 2005 йилдан буён мамлакатга 19 миллиард доллар сармоя келтирилган. Қозоғистонда200 дан зиёд француз капитали иштирок этган корхона ишлаб турибди. Улар асосан нефть-химия, транспорт, машинасозлик, авиация, қурилиш соҳаларида.
Абдумалик Сарманов таржимаси.
