Қозоғистон Президенти «Эгмонт» молия разведкаси раҳбарини қабул қилди

Қозоғистон Президенти «Эгмонт» молия разведкаси бўлинмалари раиси Эльжбет Франков-Яскевични қабул қилди. Учрашув давомида Қосим-Жўмарт Тўқаев мазкур гуруҳнинг глобал молия хавфсизлигини таъминлаш ва активларни қайтаришда самарали халқаро майдонча сифатида аҳамиятини кўрсатиб ўтди. Давлат раҳбари мамлакатнинг маблағларни «поклаш»га қарши қаратилган миллий тизимини такомиллаштириш ва халқаро стандартларга мослаштириш ниятини тасдиқлади. Президент қонун устиворлигини таъминлаш учун «Қонун ва тартиб» концепциясини қабул қилинганини кўрсатиб ўтди. Эльжбет Франков-Яскевич Қозоғистон олиб бораётган ислоҳотлар ва уларнинг самарадорлигини кўрсатиб ўтди.

Абдумалик Сарманов таржимаси

Веб-редактор: Нұрбек Балгүл Қайрошқызы