Қозоғистонда
йиртқич қушлар билан ов қилиш анъаналари қайта тикланяпти. Жетисудаги Файзуллалар
авлоди мана шу санъатни сақлаб келаётганлар қаторига киради. Уларнинг 7 аждоди
йиртқич қушларни қўлга ўргатиш билан шуғулланган. Буркитбай Файзулла 60 йилдан
буён шу иш билан шуғулланади. У 10 тадан зиёд бургут тарбиялаган, кўплаб
фестиваллар ғолиби бўлган.
Буркитбай
Файзулла, бургутчи:
-
Тарихий маълумотларга кўра, дашт аҳолиси 3 минг йилдан буён овчи қушлар хизматидан
фойдаланади. Бу — жуда қадимий касб.
Етти аждодимиз ҳам бургутчи бўлган.
Бобомнинг беш ўғлидан учтаси йиртқич қушларни парваришлаган. Мен ва
фарзандларим бу анъанани давом эттиряпмиз.
Буркитбайнинг
ўғли Жасулан ота йўлидан кетяпти. Овчи қушлар бўйича минтақа катта тренери таъкидлашича,
бургутни қўлга ўргатиш, унга зарур малакаларни сингдириш учун сабр ва маҳорат
керак. Уста ёшларга бу иш сирларини ўргатаяпти.
Жасулан
Буркитбай, бургутчи:
-
Тайёр бургутни сотиб олишдан кўра, ўзингиз тарбиялаганингиз маъқулроқ. Ўз
қўлларингиз билан улғайтирган қушга ҳеч нарса етмайди. Мен ҳозир тўртинчи
бургутимни парваришлаяпман. У бошқаларидан анча яхши. Ёввойи қушни қўлга
ўргатиш учун 15 кун ёнингизда сақлашингиз зарур, шундан кейин у сизни тинглай
бошлайди.
Абдумалик Сарманов таржимаси
Ўхшаш янгиликлар
