Қозоғистон Хитойдан 53 та агродрон харид қилди. Учувчисиз аппаратлар қишлоқ хўжалик далаларини тадқиқ қилиш ва уларга кимёвий ишлов беришга мўлжалланган. Мутахассислар таъкидлашича, харид қилинган ускуналар миришкорларнинг ўсимликларни муҳофаза қилиши учун сарфланадиган харажатларни камайтиради. Ҳосилдорлик ва маҳсулот сифатига ижобий таъсир кўрсатади. Қишлоқ хўжалиги вазирлиги берган маълумотга кўра, ҳозир қишлоқ хўжалигида агродронларни жорий этиш бўйича йўл харитаси тайёрланяпти. Учувчисиз қурилмалар ўтган йили 2 минг гектар ҳудудда ишлатилди. Шунингдек, республикада бундай техникани бошқарувчи мутахассислар тайёрланяпти. Фермерлар ва кимёвий ишлов берувчиларга эса агродрон учун сарфланган маблағнинг 25 фоизини қайтариш кўзда тутилган.
Алмат
Сулейменов, Қозоғистон Республикаси Қишлоқ хўжалиги вазирлиги бошқарма бошлиғи:
- Бу дронлар зараркунанда чигирткаларга қарши ишлатилади. Еттитаси эса тадқиқотлар ўтказиш учун мўлжалланган. Натижада, текширув сифати ортади, ўрганилган ҳудудлар майдони анча ортади. Мазкур дронлар етиб бориш қийин бўлган маконлар, тоғли ҳудудлар, бошқа турдаги техникадан фойдаланиш имкони бўлмаган жойларда кимёвий ишлов беришда қўл келади.
Абдумалик Сарманов таржимаси.
Ўхшаш янгиликлар
