Яқин келажакда Қозоғистон фильмлари Netflix стриминг майдончасига қўйилиши мумкин. Шу кунларда Қозоғистон Республикаси Маданият ва спорт вазирлиги ушбу масала юзасидан музокара ўтказмоқда. Бундан ташқари, келгуси йилларда мамлакат киножамғармаси оқ-қора форматдан ранглига ўтказилади. Кинематографияни қўллаб-қувватлаш учун камида 10 та анимацион картина ва кенг прокатга чиққан фильмлар, шунингдек, премьераси бўлиб ўтган хорижий киноасарлар дубляж қилинади. Paramount Pictures, Walt Disney, Nickelodeon ва TiJi каби анимациявий студиялар ҳамда телеканаллар билан ҳамкорлик қилиш режалаштирилган. Уларнинг мутахассислари қозоғистонлик ҳамкасбларини ўқитиш учун жалб қилинади.
Абдумалик Сарманов таржимаси
