Кўчманчилар ўйинлари логотипи тақдим этилди

«Буюк Даштда учрашув». Келгуси йилда Астанада бўлиб ўтадиган V Бутунжаҳон кўчманчилар ўйинлари шиори шундай бўлади. Пойтахтда халқаро беллашувлар логотипи ва слогани тақдимоти ўтказилди. Унинг эмблемаси самовий чавандоз тимсоли кўринишида чизилган. Шунингдек, беллашувлар 20 та миллий спорт тури бўйича ўтказилади. Бундан ташқари, сермазмун маданий ва илмий дастурлар тайёрланган. Этноовул очилади. Умуман олганда,  Астанага 100 дан зиёд давлатдан 4 минг нафарга яқин иштирокчи келади. Бутунжаҳон кўчманчилар ўйинлари ўтказилганидан кейин, мамлакатга, прогнозларга мувофиқ, жаҳоннинг турли давлатларидан камида 100 минг сайёҳ ташриф буюриши кутиляпти.

Ермек Миржиқпаев, V Бутунжаҳон кўчманчилар ўйинлари ташкилий қўмитаси раиси ўринбосари:
- Этник анъанавий спорт турлари бўйича беллашув ташкил этишни истаганларнинг ҳаммасини Астанада бўлиб ўтадиган кўчманчилар ўйинларига таклиф қиламан. Келгуси йилнинг сентябрь ойида келадиган спортчилар, меҳмонлар ва сайёҳлар учун қулай шарт-шароитлар яратиб берилади. Бешинчи Бутунжаҳон кўчманчилар ўйинлари ҳақиқий спорт анжуманига айланишига ишончимиз комил.

Абдумалик Сарманов таржимаси. 

Веб-редактор: Ализа Абай