Бугун Ақмўла вилоятида бўлган Давлат раҳбари Фуқаро мудофааси академиясида шу ҳақда гапирди. Бу таълим даргоҳи профессионал қутқарувчилар чиқарувчи Қозоғистондаги ягона олий таълим маскани ҳисобланади.. Чорак аср мобайнида 6 минг мутахассис чиқарилди. Фавқулодда вазиятлар вазирлиги Туркияда юз берган зилзила оқибатларини бартараф этиш ишларида ёрдам беряпти. Улар қаторида Ақмўла вилоятидан бўлган 18 ходим бор.
Қосим-Жўмарт Тўқаев, Қозоғистон Республикаси Президенти:
- Қутқарувчиларимиз кўпларга ёрдам берди. Вазиятдан фойдаланиб, туни-куни Туркия халқига ёрдам бераётган барча қозоғистонликларга миннатдорчилик билдираман! Ватанга соғ-омон қайтишганидан кейин улар мукофотга тақдим этилади.
Бундан ташқари, Давлат раҳбари унинг топшириғига кўра Ҳукумат Академия моддий-техника базасини мустаҳкамлаш устида иш олиб боришини билдирди. Шунингдек, 2023 йилда қутқарувчилар маоши 70 фоизга ошиши кутиляпти.
Абдумалик Сарманов таржимаси
