Шахмат бўйича дунё биринчилиги доирасида Астанада ўзига хос таълимий мобиль илова - Chess Legends тақдим этилди. Сунъий интеллект асосида ишлайдиган платформага жаҳоннинг 14-чемпиони Владимир Крамник ҳамда тўрт карра жаҳон чемпиони, дунё хотин-қизлар рейтинги етакчиси Ифань Хоу видеодарслари жойлаштирилган. Ўқитиш услубияти ФИДЕ катта мураббийи, Ҳиндистон, Испания ва Қозоғистон терма жамоалари тренери Евгений Владимиров бошчилигидаги жамоа томонидан ишлаб чиқилган. Иловани фойдаланувчилар дунёнинг исталган бурчагида туриб, бепул юклаб олиши мумкин.
Қуаниш Сулеймен, шахмат иловаси лойиҳа менежери:
- Мақсадимиз бутун дунё болаларига мустаҳкам, яхши ва сифатли илмий контент олиш учун имконият яратиш. Мазкур мобиль илованинг ўзига хослиги шундаки, ҳар битта фойдаланувчи учун таълимнинг индивидуал режасини танлаб олиш имкони берилади. Яъни ҳар бир фойдаланувчи ўз ўйинлари, масалаларни ечиш, видео томоша қилиш ва шу каби ҳаракатларининг таҳлилига эга бўлади. Шунга мувофиқ, маълум бир фойдаланувчига айнан ўзига керак бўлган материални тақдим этамиз.
Хуршида Абдуллаева таржимаси
