«Астана
Опера» театри саҳнасида узоқ кутилган жаҳон классикасидаги энг
ёрқин асарлардан бири – «Уйқудаги малика» балети премьераси намойиш қилинди. Постановка балет труппаси бадиий раҳбари Алтинай
Асилмуратованинг замонавий талқинида берилди. Балетмейстер таъкидлашича, спектаклда аниқлик, драматургия ва балет мероси анъаналарига бўлган эҳтиром уйғунлашиб кетган. Муҳташам костюмлар ва машҳур сценограф Эцио Фриджерионинг асл эскизлари асосида тайёрланган декорациялар томошабинларни лол
қолдирди.
Итальян рассоми Якопо Пантанининг ранглар партитураси воқеаларга кинематографдаги каби
маънодорлик берди,
ҳар бир акт санъат асари даражасига кўтарилди. Малика Аврора ва шаҳзода Дезире партияларини пойтахт театри балет яккахонлари Мадина Ўнербаева ва Бақтияр Адамжан ижро этди. артистлар дуэти гулдурос қарсакларга сабаб бўлди, премьера безагига айланди.
Алтинай Асилмуратова, «Астана Опера» балет труппаси бадиий раҳбари:
- Санъат ҳаяжон,
ҳиссиётлар тақдим этиши керак. Театрга келган одам
гўзалликни кўриши лозим. Бу — биринчи навбатда муҳим.
Спектакль жуда ажойиб. Ҳамма нарса
чиройли безалган, ғаройиб костюмлар тикилди.
Петр Ильич Чайковскийнинг даҳо мусиқаси.
Сюжет эзгулик ва ёвузлик курашига асосланган,
ҳар вақт бўлгани каби эзгулик ғалаба қилади. Шу тариқа,
томошабин ижобий ҳиссиётларни ўзи билан олиб кетади.
Бақтияр Адамжан, «Астана Опера» театри етакчи яккахони, шаҳзода Дезире партияси ижрочиси:
-
Бу премьерага мен икки ҳафтадан камроқ тайёрландим. Аслида балетда умуман қатнашмаслигим ҳам мумкин эди. Хорижий гастроллар кўзланаётганди, лекин театримиз премьераси учун барчасидан воз кечдим. Лекин бундан мен жуда мамнунман, чунки янги босқичга кўтарилдим. Янгича очилиш имконига эга бўлдим. Классик ва мураккаб балетдан қатнашиш кўп куч талаб қилади.
Абдумалик Сарманов таржимаси
Ўхшаш янгиликлар
