Қозоқ эртакларининг афсонавий персонажи қайтиб келди. Пойтахтдаги «Astana Musical» театрида йилнинг кутилган премьераси – «Алдар Кўсе» болалар мюзикли намойиш қилинди. Миллий услубдаги либослар, икир-чикирларига ўйланган декорациялар, қувноқ қўшиқлар ва рақслар. Буларнинг ҳаммаси ёш томошабинни сеҳрли муҳитга олиб киради. Эртак замонавий болаларга тушунарли бўлиши учун муаллифлар либретто ва сценарийга ўзгаришлар киритишди. Тўртта вокал-хор жамоаси саҳнада саккизта замонавий композиция ижро этди. Ушбу ва бошқа муаллифлик деталлари мюзиклни болалар учун ҳам, катталар учун ҳам қизиқарли қилади. Постановкачилар таъкидлашича, спектакль миллий қаҳрамон образини яратиш, маънавий-маърифий қадриятларнаи тарғиб этиш, халқ донишмандлиги, сўзомоллиги, донолигини намойиш этишга қаратилган.
Еслам Нуртазин, мюзикл постановкачи режиссёри, «Astana Musical» театри бадиий раҳбари:
– Постановкада биз Алдар Кўсенинг куч-қудрати унинг ақлида эканлигини намойиш этдик. Шу тариқа, ҳар бир инсоннинг куч-қуввати, ҳаётда ўрни борлигини кўрсатдик. Болалар тушуниши осон бўлиши учун постановка комедия жанрида тайёрланди. Махсус декорациялар яратилди, рақслар саҳналаштирилди. Болалар йилида биз улар учун қувноқ шоу тайёрладик.
Абдумалик Сарманов таржимаси
