Ушул
жылдын аягында «Союз-5» ракетасын учуруу
сыноолору башталат. Аны Казакстан-Орусия
биргелешкен «Байтерек» ишканасы
жүзөгө ашырат. Бул тууралуу
уюмдун башкармалыгынын төрагасы, космонавт Айдын Айымбетов студенттер менен
жолугушуу учурунда билдирди. Борбор калаада авиациянын генерал-майору менен
маектешүүгө атамекендик ЖОЖдордон жана колледждерден 70тен ашык студент
чогулду. Жолугушууда
улуттук космостук программаны өнүктүрүү механизмдерине өзгөчө көңүл бурулду.
Студенттерге Казакстандын аэрокосмостук тармагы бир катар илимий-изилдөө жана
инженердик-техникалык түзүмдөрдөн тураары айтылды. Негизги максаты-жаштарды жогорку
технологияга жана тармактын илимий жетишкендиктерине байланыштуу кесиптерди
тандоого үндөө. Иш-чара Байконур
космодромунун 70 жылдыгына жана дүйнөлүк авиация жана космос күнүнө арналды.
Айдын Айымбетов, «Байтерек» Казакстан-Орусия
БК» АК башкарма төрагасы:
- Быйылкы жыл жумушчу кесиптердин жылы деп жарыяланды.
Байкоңур космодромунда жаштарды жумушка чакырган кесиптер жумушчулардын
катарына кирет. Бул Байтерек ракеталык комплексине кызмат көрсөткөн инженердик-техникалык
курамдар. Студенттерди, жаш адистерди легендарлуу Байконур космодромунда
иштөөгө чакырабыз.
Которгон: Илгиз Жамалбеков
Oкшош жаңылыктар
