Айлана-чөйрөгө көңүл кош карап, зыянга учураткандар жапа чегишет. Парламент Сенаты ушуга байланыштуу жаңы экологиялык кодексти кабыл алды. Бир сөз менен айтканда, курчаган-чөйрөнү булгоочу анын зыянын жоюуга милдеттүү. Ошондой эле, кодекс өндүрүш ишканаларына алдыңкы технологияларды киргизүү аркылуу өлкөдөгү экологиялык абалды жакшыртууну көздөйт. Ошол эле учурда, булгануунун 80 пайызын түзгөн 50 ири ишкана алдыңкы технологияны киргизүүнү баштайт. Албетте мындай жаңылануу шыктандырат. Натыйжада алар эмиссия үчүн төлөмдөрдөн бошотулат. Кабыл алынган документте уруксатсыз эмиссиялар үчүн административдик санкциялардын көлөмү 10 эсеге, ал эми башка мыйзам бузуулар боюнча орто эсеп менен 2 эсеге көбөйдү. Мисалы, бак-дарактарды кыйгандыгы үчүн салынган административдик айып пулдун көлөмү 5 эсеге өстү.
МАУЛЕН АШИМБАЕВ, КАЗАКСТАНДЫН ПАРЛАМЕНТИ СЕНАТЫНЫН ТӨРАГАСЫ:
- Мындай укук бузуулар кайталанганда же өзгөчө корголуучу жаратылыш аймактарындагы бак-дарактар кыйылган учурда жеке жактарга 150, чакан ишкерлерге 450, ири ишканаларга 1500 айлык эсептик көрсөткүчкө чейин айып салынат. 1500 айлык эсептик көрсөткүч дегенибиз - 4 миллион 375 миң теңге өлчөмүндөгү айыппул. Эгерде келтирилген зыян 100 айлык эсептик көрсөткүчтөн ашса, анда мыйзам бузуучулар жоопко тартылат.
Веб-редактор: Admin
Oкшош жаңылыктар
