Касым-Жомарт Токаев
Коргоо министрин кабыл алды. Руслан Жаксылыков Президентке мекеменин 2023-жылга
карата ишинин жыйынтыгы боюнча отчёт берди. Ошондой эле, министр өлкөнүн
Куралдуу күчтөрүнүн Жогорку Башкы колбашчысына аскерлерди күжүрмөн даярдоонун
жаңы ыкмалары жана окуу-машыгуу полигонунун абалы тууралуу айтып берди.
Белгиленгендей, бүгүнкү күндө коргонуу жаатында мамлекеттик буйруктарды
аткарууга жана жаңы үлгүдөгү учактардын келүүсүнө өзгөчө көңүл бурулууда. Атап
айтканда, учкучсуз комплекстер, абадан коргонуу күчтөрүнүн курал-жарактары,
модернизацияланган бронетехника жана байланыш каражаттары. Өз кезегинде
мамлекет башчысы Казакстандын тынчтык орнотуучу контингентинин БУУнун
алкагындагы миссияларга катышуу үчүн дараметин жогорулатуу зарылдыгын
белгиледи. Касым-Жомарт Токаев тиешелүү мекеменин алдына бир катар милдеттерди
койду. Биринчи кезекте ата мекендик коргонуу ишканалары менен өз ара
аракеттенүү, аймактык коргонууну, Атайын операциялык күчтөрдү өнүктүрүү жана
аскердик-патриоттук иштерди күчөтүүнү тапшырды.
Которгон: Илгиз Жамалбеков
Веб-редактор: Ализа Абай
Oкшош жаңылыктар
