Иш-чара Улан-Батор, Кобда, Баян-Өлгей аймактарында “Отандастар” фондунун колдоосу менен уюштурулду. Фондго Чыгыш Азия өлкөсүнүн ар кайсы аймактарында жашаган казактар катышууда. Алардын арасында маданият үйүнүн жетекчилери, коомдук ишмерлер, интеллигенциянын, жаштар уюмдарынын өкүлдөрү бар. Фонддун алкагында илимий конференция, кино жана мультфильмдер жумалыгы, бизнес-форум, улуттук оюндар жана майрамдык концерттер өткөрүлөт. Фонддун өкүлдөрүнүн айтымында, мындай иш-чараларды өткөрүү эки өлкөнүн кызматташтыгын бекемдеп гана тим болбостон, улуттук аң-сезимди, руханий байланышты арттырууга жардам берет. Белгилей кетсек, учурда Моңголияда 120 миңге жакын казак жашайт. Алар өлкөдөгү моңголдордон кийинки эң чоң этникалык топтордун бири болуп эсептелет.
Которгон: Илгиз Жамалбеков
