Казакстан коронавируска каршы ата мекендик вакцина өндүрүүгө арналган экинчи өндүрүштүк аянтча даярдады. Премьер-министрдин орун басары Ералы Тогжанов Алматы облусундагы «Антиген» илимий-өндүрүштүк ишканасынын иши менен таанышты. Мекемелер аралык комиссиянын маалыматы боюнча, ушул жылдын аяк оона айында бул жерде кубаттуулугу айына 1 миллион доза болгон «QazVac» 300 миң валидациялык сериясы чыгарылды. «Эл аралык сапат стандарттары ишканага өндүрүштүн бардык чөйрөсүндө жогорку техникалык деңгээлге, сапат жана ишенимдүүлүккө жетүүгө мүмкүндүк берет», - деп айтылат Премьер-министрдин сайтындагы маалыматта. Жаңы өндүрүш Мамлекет башчысынын Казакстандын элине Кайрылуусунда көрсөтүлгөн өлкөнүн биологиялык коопсуздугун камсыздоо боюнча тапшырмасынын алкагында ишке ашырылды.
Которгон: Илгиз Жамалбеков
