Казакстанда пандемия башталгандан бери коронавирусту жуктуруп алгандардын жалпы саны 415 миңге жакындады. Бир сутка ичинде кооптуу илдет өлкө боюнча 1 445 кишиден аныкталды.
Нур-Султан шаары бейтаптардын саны боюнча дагы эле биринчи орунда турат. Борбор калаанын 506 тургунуна ПЧР-тести аркылуу COVID-19 диагнозу коюлду. Экинчи орунда - Алматы турат. Түштүк шаарда 181 бейтап катталган. Андан кийин Караганды облусунда 147 адам кооптуу инфекцияга чалдыккан. Ал тапта өлкөдө эмдөө кампаниясынын ыргагы күчөдү. Саламаттыкты сактоо министрлигинин маалыматы боюнча, буга чейин 1 миллион 829 миң 643 казакстандык коронавируска карата вакцинанын эки компонентин тең алууга жетишти.
Которгон: Илгиз Жамалбеков
