Казакстандын курама командасы Түндүк Ирландияны жеңди.
Беттеш Евро-2024 тандоо турниринин алкагында өттү. Белгилей кетсек,
Казакстандын футбол боюнча курама командасы Түндүк Ирландияны 1:0 эсебинде утуп
алды. Голду чабуулчу Максим Самородов киргизди. Өлкө президенти Касым-Жомарт
Токаев футболчуларды колдоо үчүн «Астана Арена» стадионуна атайын келип, матчтан кийин мамлекет башчысы
футболчуларды чоң жеңиши менен куттуктап, оюн кызыктуу жана курч мүнөздө
өткөнүн белгиледи. Улуттук курама
команданын капитаны Асхат Тайберген колдоо көрсөткөндүгү үчүн мамлекет башчыга
ыраазычылык билдирип, команданын атынан топ белек кылды. Ошондой эле, президент
өзүнүн Instagram баракчасында ыктыярчылар менен активисттердин беттештен кийин
трибуналарды тазалоо демилгесин баса белгилеп, футболчулар жана жаштар менен
сыймыктанарын билдирди. Белгилей кетсек, Казакстандын курама командасы
Евро-2024 тандоо тайпасында 2-орунга көтөрүлдү.
Которгон: Илгиз Жамалбеков
