Тактап айтканда соода-экономика, инвестиция, айыл чарба, фармацевтика, энергетика жана билим берүү чөйрөсүндөгү маселелери талкууланды. Бул тууралуу эки өлкөнүн өкмөттөр аралык комиссиясынын 9-жалпы жыйынында айтылды. Жыйындын катышуучулары эки тараптын ортосундагы товар жүгүртүү эки эсеге өсүп, дээрлик 2 миллиард долларга жеткенин белгилешти. Ошол эле учурда Казакстандын экспорту 71%га өсүп, 1,5 миллиард долларды түздү. Акыркы жылдары, пандемияга жана геосаясий туруксуздукка карабастан, Улуу Британиядан келген инвестиция көбөйдү. 2022-жылдын тогуз айында Казакстандын экономикасына капиталдык салымдардын көлөмү 529 миллион долларга жетти.
Кэти Лич, Улуу Британиянын Казакстандагы элчиси:
- Биз британиялык компанияларга Казакстандагы металл жана пайдалуу кендерди инвестициялоонун жаңы жолдорун табууга жардам бергибиз келет. Ошондой эле сиздердин өлкөгө айыл чарбасы үчүн мал чарбасына арналган генетикалык материалдарды экспорттоону биринчи жолу баштаганы турабыз. Мындан тышкары экологиялык жактан таза энергетика, жашыл технологиялар жана билим берүү тармагында кызматташуубуз бекемделе бермекчи.
Которгон: Илгиз Жамалбеков
Веб-редактор: Admin
Oкшош жаңылыктар
