Казакстан-2025-жылы
Кытайлык туристтер үчүн эң келечектүү багыт. Бул абройлуу номинацияны «Kazakh Tourism»
компаниясына Кытайдын алдыңкы онлайн туристтик агенттиги Tongcheng Travel
тарабынан
ыйгарылды. 230 миллиондон ашык колдонуучусу бар Платформа саякатты пландаштыруу
боюнча комплекстүү кызматтарды сунуштайт. Анын маалымдашынча 2024-жылы өлкөгө
келүү суроо-талабы 300-жылга салыштырмалуу 2023% га өстү. Турагенттиктин
божомолуна ылайык, быйыл да ушундай тенденция уланат. Белгилей кетсек, өткөн
жылы Кытай Эл Республикасынан Казакстанга туристтердин агымы дээрлик 80% га
көбөйүп, 655 миң адамды түзгөн. Негизинен Кытайдан келген саякатчылар
республиканын тубаса табиятына, табигый ландшафтарына, тарыхый эстеликтерине
жана маданий мурастарына өзгөчө кызыгуучулук таанытышат.
Даниел Сержан уулу, «Kazakh Tourism» УК» АК башкарма
төрагасынын орун басары:
- Өткөн жылга салыштырмалуу кытайлык
туристтердин саны дээрлик эки эсеге артты. Бул мамлекет жүргүзүп жаткан
саясаттын натыйжасы, албетте, визасыз режимдин киргизилиши да өз салымын кошту.
Ошондой эле 2024-жылдын Кытайдагы Казак туризм жылы деп жарыяланышы өз натыйжасын
берди. Tongcheng Travel бул тенденция 2025-жылга чейин
уланат деп болжолдойт.
Ошондой эле, Lonely Planet британиялык абройлуу басылмасы Казакстанды
2025-жылы саякаттоо үчүн мыкты өлкөлөрдүн катарына кошту. Ал
эми CNN
Travel
Алматы шаарын быйыл саякаттай турган мыкты жерлердин тизмесине киргизди.
Которгон: Илгиз Жамалбеков
Oкшош жаңылыктар
